कुलमानको चमत्कार ! बंगलादेशले नेपालबाट बिजुली किन्ने , बिस्तारै अब एसियालाई नै नेपालले उज्यालो पार्नेछ । अब हुन्छ नेपालको नदिनालाको उचित सदुपयोग । 
२७,चैत,काठमाडौं । बंगलादेशले भारतको भूमि हुँदै नेपाल तथा भुटानबाट बिजुली आयात गर्न चाहेको खुलासा गरेको छ । भारतको औपचारिक भ्रमणमा रहेकी बंगलादेशी प्रधानमन्त्री शेख हसिनाले भारतीय समकक्षी नरेन्द्र मोदी तथा अन्य मन्त्री तथा सरकारी अधिकारीहरुसँगको वार्तामा यस्तो प्रस्तावको खुलासा गरेकी हुन । दुईपक्षीय वार्तापछि जारी गरिएको विज्ञप्तिमा समेत सो कुरा उल्लेख गरिएको छ । हसिनाले भारतीय प्रधानमन्त्री नरेन्द्र मोदीलाई यो प्रक्रियाको सहजीकरणको लागि आग्रह गरेकी छन् ।
अहिले भारतले भुटानबाट बिजुली आयात गरेर नेपाल, बंगलादेश र म्यानमारमा निर्यात गर्ने गर्दछ । तर, हसिनाको अभिव्यक्तिले बंगलादेशले सिधैं बंगलादेश र भुटानसँग बिजुली किन्न खोजेको देखिन्छ । यस प्रस्तावलाई भारतले कसरी लिएको छ भने यकिन भएको छैन । नेपाल र भारतको बीचमा तीन वर्ष अगाडि विद्युत् व्यापार सम्झौता भएको थियो । तर, नेपाल, भारत, बंगलादेश र भुटानबीचको विविआइन फ्रेमवर्कअनुसार नेपालले बंगलादेशलाई बिजुली निर्यात भने गर्न सक्छ । पछिल्लो समयमा बंगलादेशीका केही लगानीकर्ताहरुले नेपालका हाइड्रोपावर परियोजनामा लगानी गर्नका लागि इच्छुक रहेका छन् । भारतको ट्रान्समिसन लाइन प्रयोग गरेर बिजुली बंगलादेशलाई बेच्ने विषयमा कुराकानी भइरहेको समेत बताइएको छ ।
 |
0 comments:
Post a Comment